Sipas njoftimit të kësaj dege shkarkimi ka ardhur pasi dyshohet që Berisha është “futur në negociata e pazare me partinë në pushtet (AAK)”.
“Pas një debati të gjatë dhe analize të hollësishme, kryesia e Degës së PDK-së në Klinë vendosi që të shkarkoi Enver Berishën nga pozitat udhëheqëse të Degës për arsye se i njëjti kohëve të fundit është futur në negociata e pazare me partinë në pushtet(AAK) për të përfituar personalisht dhe familjarisht pozita udhëheqëse në qeverisjen lokale”, thuhet në komunikatë në të cilën theksohet se shkarkimi është bërë me vota unanime.
PDK, Dega në Klinë thotë se “është e drejt e z. Berisha të zhvilloj negociata dhe të përfitoj pozita udhëheqëse personale e familjare nga partia në pushtet por jo duke qenë nënkryetar dhe anëtar i kryesisë së PDK-së”.
Berisha ka qenë kryesues i asamblistëve të PDK-së në mandatin e kaluar./teve1.info/
