Këtë ka konfirmuar për teve1.info, zëdhënësi i PDK-së, Faton Avdullahu. Ai bëri të ditur se pasi të marrin informacione të sakta për qëllimin dhe agjendën e takimit, Krasniqi do të vendos a do të shkojë në këtë takim.
“Para pak minutash kemi pranuar një e-mail nga Kabineti i Kryeministrit, nëpërmjet të cilit është ftuar kryetari i PDK-së Memli Kransiqi për takim të përbashkët me krerët e subjekteve opozitare dhe kryeministrin. Por, në këtë e-mail nuk është specifikuar tema dhe agjenda takimit. Pasi të marrim informacione të sakta nga Zyra e Kryeministrit për qëllimin dhe agjendën zyrtare të takimit, kyetari do të vendosë se a do të merr pjesë në këtë takim apo jo”, tha ai.
Ftesën e Kurtit për takim e ka pranuar kryetari i AAK-së, Ramush Haradinaj. Teve1.info ka tentuar të marrë një konfirmim edhe nga LDK, por të njëjtit nuk kanë kthyer përgjigje.
Një takim i tillë mes krerëve të opozitës dhe kryeministrit Kurti ishte zhvilluar më 30 gusht. Qëllimi i këtij takimi ka qenë për t’i njoftuar liderët e opozitës dhe për të diskutuar me ta për takimin e 18 gushtit në Bruksel dhe detaje rreth dialogut. /Teve1.info/
