Partitë opozitare të legjislaturës së kaluar, PDK, LDK, AAK i janë përgjigjur pozitivisht ftesës së presidentes Osmani për një takim konsultativ lidhur me krizën e krijuar për konstituimin e Kuvendit.
Presidentja Osmani ka propozuar që takimet të nisin nga 15 maji.
“Presidentja Osmani do të fillojë një seri konsultimesh rreth çështjes së konstituimit të Kuvendit nga data 15 maj. Ftesat tashmë janë dërguar për takimet e para dhe po presim konfirmimet”, ka thënë Bekim Kupina, këshilltar i presidentes Osmani.
Memli Krasniqi e pranon ftesën e Osmanit, merr pjesë në takimin e 15 majit
Kryetari i Partisë Demokratike të Kosovës, Memli Krasniqi, do të marrë pjesë në takimin e ftuar nga presidentja Osmani për të enjten.
Këtë për Tëvë1 e ka konfirmuar zëdhënësi i PDK’së, Faton Abdullahu, ku ka thënë se ky takimi do të jetë ndihmues për të dalë nga kriza politike.
LDK-ja i përgjigjet pozitivisht ftesës së Osmanit për takim konsultativ
Zëdhënësi i Lidhjes Demokratike të Kosovës, Besian Mustafa ka konfirmuar se ky subjekt politik i është përgjigjur pozitivisht ftesës së presidentes Osmani për takim konsultativ.
Mustafa për tëvë1.info ka bërë të ditur se në takimin e 15 majit do të marrë pjesë kryetari i LDK-së, Lumir Abdixhiku.
AAK-ja konfirmon pjesëmarrjen në takimin e ftuar nga Osmani
Kryetari i Aleancës për Ardhmërinë e Kosovës, Ramush Haradinaj do të marrë pjesë në takimin e thirrur nga presidentja e Kosovës, Vjosa Osmani rreth çështjes së konstituimit të Kuvendit.
Lajmin për tëvë1.info e ka bërë të ditur zëdhënësi i AAK-së, Kushtrim Xhemaili.
Nga Lëvizja Vetëvendosje deri më tash nuk ka ndonjë reagim për këtë ftesë
