Partia Demokratike e Kosovës ka shprehur shqetësim për kompromiset e fundit të kryeministrit Albin Kurti, përmes të cilave sipas PDK-së, po cenohet drejtpërdrejt sovraniteti i Republikës së Kosovës.
Në një reagim publik, PDK thekson se vendimet e fundit të kryeministrit përbëjnë dy lëshime të rënda: lejimin e funksionimit të institucioneve ilegale të Serbia brenda territorit të Kosovës dhe legjitimimin e dokumenteve që, sipas tyre, Serbia i lëshon në mënyrë kundërligjshme për qytetarët e Kosovës.
Sipas PDK-së, pranimi i këtyre dokumenteve nënkupton që strukturat ilegale të Serbisë po bëhen pjesë e zbatimit të legjislacionit të shtetit të Kosovës.
“Këto vendime tregojnë se kryeministri Kurti ka zhvilluar negociata larg vëmendjes së opinionit publik, në mungesë të plotë transparence dhe në kohën kur po inskenohej kriza e radhës institucionale, me të cilat ai dhe partia në pushtet po e dëmtojnë funksionalitetin e Republikës së Kosovës. Për vite me radhë, Kurti deklaronte se në Kosovë nuk ekzistojnë më struktura paralele të Serbisë, ndërkohë që me vendimet e tij po e pranon publikisht ekzistencën e tyre dhe po krijon kushte për vazhdimin e funksionimit të tyre”, thuhet në komunikatën e kësaj partie.
Në reagim thuhet se për vite me radhë Kurti kishte deklaruar se në Kosovë nuk ekzistojnë më struktura paralele të Serbisë, ndërsa vendimet e fundit, sipas PDK-së, përbëjnë një pranim publik të ekzistencës së tyre dhe krijojnë kushte për vazhdimin e funksionimit.
PDK gjithashtu rikujton deklaratën e kryeministrit në Ëorld Economic Forum Annual Meeting 2024 në Davos, ku ai kishte thënë se strukturat paralele nuk ekzistojnë më, duke e cilësuar situatën aktuale si kontradiktore me atë që ishte deklaruar para bashkësisë ndërkombëtare.
Sipas PDK-së, këto zhvillime janë vazhdim i logjikës së rrezikshme të Brussels Agreement 2013 dhe aneksit të Ohrid Agreement 2023, të cilat, sipas tyre, janë pranuar nga Kurti pa transparencë dhe pa debat institucional.
Në fund të reagimit, PDK thekson se ligjet e Kosovës duhet të zbatohen njësoj për të gjithë dhe se çdo strukturë ilegale që vepron jashtë sistemit shtetëror duhet të mbyllet.
