Anëtari i kryesisë së PDK-së, Adri Nurellari ka thënë se në një Qeveri normale me politikan të përgjegjshëm Haxhiu do të duhej të jepte dorëheqje.
Kjo sepse sipas tij, Instituti për Mjekësi Ligjore është në varësi të Ministrisë së Drejtësisë.
“Instituti për Mjekësi Ligjore është në varësi të Ministrisë së Drejtësisë, që do të thotë se në një qeveri normale me politikanë të përgjegjshëm Haxhiu do duhej të jepte dorëheqje për këtë ngjarje të rëndë e të dyshimtë. Mirëpo me standardet amatore e qeverisë Kurti me siguri ministrja Haxhiu do dalë përsëri në demostratë para institucionit që drejton”, ka shkruar ai.
Kurse deputetja Ganimete Musliu, i ka kërkuar ministres Haxhiu të lëj “lojrat e të mos kukat” por të dorëhiqet.
Musliu ka theksuar se ministrja Haxhiu ka ardhur në pushtet duke abuzuar me rastin e Astrit Deharit.
“Znj. Haxhiu lej lojrat mos kukat mos u viktimizo po jep dorëheqje. Nje popull e keni terrorizu duke abuzuar me rastin e Astritit deri sa keni ardhe në pushtet. Nuk ka justifikime me. Nese ke veç pak ndjeshmeri e pak moral jep dorëheqje”, shkroi ajo.
Ndryshe ministrja Haxhiu ka njoftuar se i di emrat e personave të cilët kanë qasje në Institutin e Mjekësisë Ligjore (IML), pas zhdukjes së mostrave të Astrit Deharit dhe ka theksuar se do të marrin masa disiplinore ndaj zyrtarëve përgjegjës./teve1.info./