Partia Demokratike dhe Aleanca për Ardhmërinë e Kosovës (AAK) kanë arritur marrëveshje bashkëpunimi për balotazh në Komunën e Mitrovicës.
Përmes një postimi në Facebook, kandidati I PDK-së në Mitrovicë, Arian Tahiri ka bërë të ditur se nënshkruan marrëveshjen me kandidatin e AAK-së, Qazim Nimani.
Duke e falënderuar Nimanin dhe strukturat e AAK-së për besimin dhe mbështetjen, Tahiri ka theksuar se 9 nëntori do të jetë dita e bashkimit të qytetarëve, sepse sipas tij, Mitrovica është mbi partitë politike.
“Sot, zyrtarisht edhe AAK-ja i është bashkuar rrugëtimit dhe vizionit tonë për Mitrovicën. Faleminderit kryetarit z. Qazim Nimani dhe strukturave të AAK-së për besimin dhe mbështetjen! Mitrovicën e kemi shtëpi dhe së bashku do ta ndërtojmë kapitullin e ri të bashkëpunimit, punës dhe shpresës. 9 nëntori do të jetë dita e bashkimit të qytetarëve, sepse Mitrovica është mbi partitë politike”, ka shkruar ai në Facebook.
