Deputeti i Partisë Demokratike të Kosovës, Arben Mustafa ka reaguar pas ftesës që Kurti i bëri Hamzës për takim pas atij me Abdixhikun që përfundoi pa ndonjë marrëveshje.
Mustafa ka thënë se PDK e ka kuptuar lojën e Kurtit të cilin e ka akuzuar se po synon kapjen e të gjitha pushteteve.
“PDK e ka kuptuar me kohë lojën e Albin Kurtit. Ky njeri nuk njeh tjetër logjikë, përveç kapjes së të gjitha pushteteve. Ai nuk është në politikë për të ndërtuar, por vetëm për të marrë sa më tepër pushtet dhe për të sunduar. Prandaj, nuk i dhamë kënaqësinë që të luajë me emra për president dhe të bëjë filma”, ka shkruar Mustafa në Facebook.
Kurti njoftoi se Abdixhikut i ka ofruar marrëveshje për bashkëqeverisje, por jo edhe postin e presidentit, ndërsa tha që kjo ofertë ka qenë ekskluzivisht për LDK-në./teve1.info/
