Kandidati i Partisë Demokratike të Kosovës për kryetar të Dragashit, Shaban Shabi ka njoftuar se ka arritur marrëveshje bashkëpunimi për raundin e dytë me disa parti.
Siç ka njoftuar ai, marrëveshja është arritur me Lëvizjen Vetëvendosje, Koalicionit Vakat dhe Kandidatit të pavarur Nedzmidin Sejdilar.
“Para arritjes së marrëveshjes është bërë harmonizimi i programeve dhe parimeve qeverisëse, të cilat do të shërbejnë si bazë për një qeverisje të përgjegjshme, gjithëpërfshirëse dhe në shërbim të qytetarëve të komunës sonë. Kjo marrëveshje është dëshmi e bashkëpunimit për të ndërtuar një qeverisje të drejtë, transparente dhe në interes të përbashkët të secilit qytetar, pa dallim”, ka shkruar ai.
Në raundin e dytë në këtë komunë në garë do të jenë Bexhet Xheladini nga Lidhja Demokratike e Kosovës që ka marrë 6,670 vota apo 45,62% dhe Shaban Shabani i PDK-së që ka 4,102 vota apo 28,05%.
Në raundin e parë, kandidati i LVV-së, Filiz Mustafa kishte marrë 2,460 vota apo 16,82%
