Partia Demokratike e Kosovës ka shpreh shqetësimin e saj lidhur me shtyrjen e shpalljes së aktgjykimit në procesin gjyqësor ndaj ish-krerëve të UÇK-së në Gjykatën Speciale në Hagë.
PDK ka thënë se “kjo vonesë është e pajustifikueshme dhe është një dëshmi e radhës e këtij procesi të stërzgjatur, i cili e ka humbur kuptimin e drejtësisë dhe është shndërruar në një proces të ndikuar nga kalkulimet politike”.
Sipas PDK-së, kjo shtyrje është një goditje tjetër ndaj besimit të tyre, në drejtësi dhe një padrejtësi e shtuar ndaj ish-krerëve të UÇK-së, të cilët sipas ksaj partie, prej rreth pesë vitesh e gjysmë po mbahen në paraburgim, duke ua shndërruar këtë masë në një dënim të heshtur të imponuar përmes vonesave të përsëritura.
PDK i bën thirrje bashkësisë ndërkombëtare dhe institucioneve të drejtësisë që të reflektojnë dhe të mos lejojnë që ky proces të shndërrohet në një shembull të dështimit të drejtësisë ndërkombëtare./teve.info/
