Deputeti i Partisë Demokratike të Kosovës, Mërgim Lushtaku ka deklaruar se shumica parlamentare dhe qeveria po rrezikon funksionimin e shumë organizatave buxhetore të cilat janë të varura nga buxheti i Kosovës, pasi nuk kanë marrë për bazë asnjë kërkesë të tyre.
Lushtaku duke komentuar projektbuxhetin për vitin 2023, tha se asnjë nga kërkesat e organizatave buxhetore, komunave dhe deputetëve dhe rrezikohet funksionimi i tyre pasi ka rritje të vëllimit të fundit dhe shihet qartë se Qeveria nuk është e interesuar t’i mbështes komunat dhe as institucionet e pavarura.
“Kemi shumë institucione të pavarura që janë të varura nga buxheti i Kosovës dhe nga kërkesat që kanë paraqitur në çdo komision dhe me një arrogancë të shumicës, për arsye se tashmë dihet se i kanë votat në çdo komision, edhe në komisionin për financa nuk i kanë kaluar këto kërkesa, nga të gjitha organizatat buxhetor. Më lejoni t’i theksoj disa prej tyre siç është Këshilli Pavarur Mbikëqyrës i Shërbimit Civil të Kosovës, Radio Televizioni i Kosovës, komunat të cilat varen edhe nga buxheti i Kosovës dhe shumë deputetë të cilët i kanë paraqitur kërkesat e tyre dhe nuk janë marrë parasysh nga arroganca….do të jetë buxheti i parë i Republikës së Kosovës që do të atakohet dhe do të shqyrtohet nga Gjykata Kushtetuese për shkak të një amendamenti të cilin e ka propozuar ministri i Financave por nga ai shihet qartë se buxhetin vetanak të komunave të Kosovës t’ia marrë në buxhet të Kosovës dhe ta drejtoj në komunat e tyre“, tha ai.
Ndërsa, deputeti i LDK-së, Avdullah Hoti ka thënë se vlerësimet për këtë Projektligj i kanë dhënë gjatë diskutimin të leximit të parë, teksa tha se LDK-ja nuk e mbështet këtë buxhet sepse sipas tij është për keqardhje.
“Ky projektligj më së pakt i i implikon dhe është përfaqësues për të gjitha komunat dhe për të gjithë qytetarët dhe nuk ndikon në zhvillimin ekonomik në tërësi”
Madje ai tha se po të ishte LDK-ja në pushtet do ta bënte një ligj komplet tjetër.
“Prandaj me këtë qasje unë nuk besoj që duhet të mbështet ky buxhet kështu është për keqardhje mënyra se si po mendoni me qu përpara duke pasë arrogancen e numrave, duke mos reflektuar në asnjë argument”, deklaroi Hoti./teve1.info
https://teve1.info/lajmet/muja-paraqet-raportin-e-komisionit-mbi-ndarjet-buxhetore-per-vitin-2023/
