Deputetët e Partisë Demokratike të Kosovës dhe të Aleancës janë mbledhur të martën në sallën plenare të Kuvendit, për të kërkuar vazhdimin e seancës konstituive të legjislaturës së njëmbëdhjetë.
Deputeti i PDK-së, Enver Hoxhaj, akuzoi Lëvizjen Vetëvendosje se ka suprimuar demokracinë në vend, përmes bllokimit të funksionalizimit të Kuvendit.
Sipas tij, prej vitit 1999, Kosova nuk ka pasur gjendje më të rëndë sesa sot.
“E kemi një gjendje të përhershme të shkeljes kushtetutës dhe sundimit të demokracisë. Prej vitit 1999 nuk ka pasur një gjendje më të rëndë sesa sot”, tha ai.
