Pas anëtarësimit të PDK-së në organizatën e Partive Liberale të Evropës Juglindore, kryetari i kësaj partie, Memli Krasniqi ka thënë se janë të përkushtuar për të punuar së bashku për një të ardhme evropiane.
Përmes një postimi në Tëitter, Krasniqi ka falënderuar kryetarin e LIBSEEN, Roman Jakiç si dhe miqtë e tij nga ky rrjet për mbështetjen që i kanë dhënë PDK-së.
“I lumtur të njoftoj që PDK-ja është bërë një anëtare e plotë e LIBSEEN. Ne jemi të përkushtuar të punojmë së bashku për një të ardhme europiane për Kosovën dhe të gjitha vendet në Europës Juglindore. Mirënjohës ndaj Roman Jakiç dhe të gjithë miqve të tij të LIBSEEN për mbështetjen”, ka shkruar ai në një postim në Twitter.
Happy to announce that @pdkzyrtare has become a full member of @libseen. We are committed to work together for a European future for 🇽🇰 and all countries in #SEE. Grateful to @romanjakic and all other #LIBSEEN friends for the support. Thanks to @ilhankyuchyuk for his leadership.
— Memli Krasniqi (@MemliKrasniqi) May 14, 2022
Partia Demokratike e Kosovës zyrtarisht sot është bërë pjesë e Organizatës së Partive Liberale të Evropës Juglindore (LIBSEEN).
Sipas PDK-së, anëtarësimi në LIBSEEN ofron një platformë të re në vazhdimin e përpjekjeve të Kosovës për integrim sa më të shpejtë në Bashkimin Evropian dhe avancimin edhe të mëtutjeshëm të bashkëpunimit rajonal. /teve1.info/
