Një lexues ka treguar për “teve1.info” se linjat e autobusëve Prishtinë-Prizren, nuk po e përfillin vendimin e kësaj ministrie.
Kjo lexuese e që njëherësh është studente, ka paguar 4 euro biletën e autobusit në relacionin Prizren- Prishtinë.
“Çmimi i biletës në relacionin Prizren-Prishtinë nuk ka zbritur, pavarësisht deklaratës së zëvendësministrit të MMPH-së për përgjysmim të çmimeve në disa kategori”, ka thënë ajo.
Ajo thotë se e njëjta gjë po ndodh edhe në relacionin Prizren- Suharekë, ku studentët po detyrohen të paguajnë 1 euro biletën, e jo 0.50 cent siç ka qenë para ngritjes së çmimeve.
“Njëjtë është edhe në relacionin Prizren-Suharekë për studentë (vazhdojnë të paguajnë 1 euro, jo 0.50 siç ka qenë para ngritjes së çmimeve)”, tha ajo për teve1.info.
Ndryshe, dje MMPH ka marrë vendim që çmimi i biletave të autobusit për disa kategori të përgjysmohen nga çmimi që është tani, e që ky vendim ka hyrë në fuqi ditën e nënshkrimit.
Nga ky vendim, kategoritë që përfitojnë nga ky përgjysmim i çmimit të biletës së autobusëve janë fëmijët, studentët, invalidët e luftës, invalidët e punës dhe pensionistët. /teve1.info/
