Para orës 10:00 të së premtes, nxënës të cilët kanë përfunduar klasën e nëntë po presin para hyrjes së shkollës “Emin Duraku”.
Të gjithë këta, për disa minuta do t’i nënshtrohen Testit të Arritshmërisë.
Në mesin e tyre është edhe Reina Munishi e cila është nxënës e shkollës “Asim Vokshi”në Prishtinë e cila pret që ta kalojë këtë vlerësim.
“Po jemi përgatitur jemi munduar që të përgatitem edhe me arsimtarët dhe me stafin e shkollës, unë mendoj që kam më kaluar. Po kam pak emocione po besoj që do të marrë mbi 60 pikë”, tha nxënësja, Reina Munishi.
Rezultatet të mira pret edhe Krenar Ismajli.
“Jam përgatitur kogja shumë qato teste që i kemi pasur i kemi përsëritur edhe shpresojmë që do të marrim rezultatet sa më të mira”, tregoi Krenar Ismajli.
E me t’u bërë ora 10 një nga një hynë brenda.
Drejtori i kësaj shkolle, Visar Osmani ka treguar se a pati ndonjë problem gjatë mbajtjes së këtij testi.
“Testi ka filluar me kohë,administruesit kanë ardhur më kohë ishin pak disa problem rreth identifikimit për shkak të joinformimit të duhur por edhe ajo së bashku me kujdestart e klasave dhe adminstratorët është evidentuar”, tha Osmani.
Testi me kohë filloi edhe në shkollën e Gjelbër në Prishtinë.
Drejtori i kësaj shkolle, Besart Ismajli, ka treguar masat që janë ndërmarrë që nxënësit të mos kopjojnë.
“Iu kemi treguar nxënësve që është e jashtëligjshme përdorimi i telefonave atomatiksiht do të humbin të drejtën e testimit. Të gjithë nxënësit janë të vetëdijshëm që nuk guxojnë të kupjojnë, interneti është i ndalur.. por në rast që nxinin do të penalizohen”, tregoi Ismajli.
Nxënësve iu morën edhe telefonat para se të hyjnë në test.
Por pavarësisht këtyre masave që shkollat morën, testi arriti përsëri të qarkullojë në rrjetet sociale.
Madje nga Ministria e Arsimit njoftuan se për shkak të përdorimit të telefonit disa nxënës janë përjashtuar nga testimi.
Në tërë Kosovën, këtij testi i janë nënshtruar 24 mijë nxënës të klasave të nënta, ndërsa rezultatet priten të shpallen me datën 7 korrik.
