Remko Pasveer, ish-shoku i skuadrës së portierit të ri të Interit, Andre Onanas, ka komentuar largimin e këtij të fundit nga Ajax-i. “Bashkëjetesa” e Onanës dhe Pasveer te Ajax zgjati praktikisht vetëm një sezon, por sigurisht që nuk ishte aq e mirë.
Dy ish-portierët e Lancers kanë qenë pjesë e Ajax nga vera e kaluar, por ata u alternuan në portën vetëm në shkurt, kur Pasveer iu desh t’i linte vendin Onanës për shkak të një dëmtimi.
Lamtumira e kamerunianit me Ajax-in sigurisht që nuk ka kaluar pa u vënë re, me Pasveer që u shpreh se Onana e planifikoi largimin nga klubi holandez gjatë kohës kur ishte i pezulluar.
“Ai hartoi planin e tij pas pezullimit, nuk foli për të dhe shumë vuajtën prej tij. Nëse nuk interesohesh vetëm për veten, por edhe për skuadrën atëherë mund ta ndalosh golin. Nadre është shumë i talentuar, ai mund të kishte marrë përvojë të madhe te Ajax, por ishte i përkushtuar vetëm te vetja.”-deklaroi holandezi.
Më tej Pasveer shtoi se sipas tij Onana nuk përpiqet për t’u përmirësuar, ndaj nuk do jetë ndonjëherë futbollist i nivelit të lartë.
“Mund të them vetëm atë që pashë. Nuk mendoj se ai është një sportist i nivelit të lartë, por ndoshta situata ishte ndryshe përpara rastit të dopingut. Për mendimin tim ai nuk është një person që dëshiron të bëjë gjithçka për t’u përmirësuar”-deklaroi ndër të tjera holandezi.
