Sipas të dhënave të AKK-së Presidentja Osmani ka një shtëpi në Marigonë, dy shtëpi tjera, dy banesa dhe parcel toke.
Ajo ka deklaruar se ka një banesë të papërfunduar me garazhë, me sipërfaqe rreth 95 metra katrorë, vlera e të cilës është 42 mijë e 500 euro.
Tutje Osmani ka deklaruar se ka 35 mijë e 721 euro dhe 6 mijë e 774 dollarë para të gatshme të mbajtura në bankën Raiffeisen.
Presidentja i ka pagë vjetore prej 32 mijë e 922 euro si presidente e Kosovës, ndërsa 6 mijë e 223 euro i ka marrë nga mëditjet në udhëtimet gjatë 2021-ës, sipas deklarimit në AKK.
Ndërsa bashkëshorti i saj, Prindon Sadriu, merr pagë vjetore prej 37 mijë e 885 euro nga buxheti i Kosovës dhe 8 mijë e 500 euro nga qiratë.
