Gjatë ditës së sotme është zhvilluar një aksion për pastrimin e hapësirave rreth Liqenit të Batllavës.
Në këtë aksion ka marrë pjesë nxënës të shkollave të mesme, mësimdhënës në nivel komune, shoqata e peshkatarëve, përfaqësues nga shoqëria civile dhe kryetari i komunës, Shpejtim Bulliqi bashkë me disa anëtarë të ekzekutivit komunal.
Tutje në një komunikatë për media thuhet se këtij aksioni pasdite i është bashkuar edhe Kompania Regjionale “Pastrimi”.
Bulliqi tha se, “Ky aksion do të vazhdojë edhe më 26 maj, ku me numër shumë më të madh të të gjitha institucioneve, nxënësve e qytetarëve do të kujdesemi që e gjithë hapësira përreth liqenit të pastrohet”.
Ai apeloi tek të gjithë qytetarët që vizitojnë dhe i shfrytëzojnë për pushim dhe rekreacion hapësirat e Liqenit të Batllavës të përkujdesen për këto hapësira duke e ruajtur ambientin nga ndotja.
