Ish-presidenti i Kosovës, Hashim Thaçi pas vizitës së tij dy ditore në Kosovë është larguar për në Hagë.
Thaçi vizitoi të premten varrin e babait të tij, pesë ditë pasi ai ndërroi jetë.
Pas qëndrimit të djeshëm në vendlindjen e tij në Burojë të Skenderajt, ku ka bërë homazhe te varri i babait të tij, ai natën e ka kaluar në zyrat e EULEX-it në Kosovë.
Në këto zyre, sot ai është vizituar nga tre vëllezërit e tij dhe nga gruaja.
Ndërkohë, zëdhënësi i Dhomave të Specializuara të Kosovës, Michael Doyle për teve1.info tha se për arsye bindëse humanitare, trupi gjykues dhe gjyqtari i procedurës paraprake kanë udhëzuar Sekretarin që të menaxhojë një vizitë të mbikëqyrur në Kosovë për Hashim Thaçin që t’i bëjë nderimet dhe të jetë me familjen e ngushtë./teve1.info/
