Shekuj më parë në fshatin Studenicë të Istogut është ndërtuar një objekti kishtar, të cilit tashmë i kanë mbetur vetëm themelet.
Por ditëve të fundit, një vizitë në këtë vend ngjalli reagime të shumta.
Pas largimit të priftërinjve, dikush dëmtoi rrethojat e këtij monumenti kulturor.
Madje për këtë rast është njoftuar edhe Policia e Kosovës.
Nga Prokuroria Themelore e Pejës bëjnë me dije së janë duke hetuar rastin.
“Prokurori i shtetit ka autorizuar Policinë e Kosovës që të marrë të gjitha veprimet, fillimisht të identifikohen personi apo personat e mundshëm të kësaj çështje, pastaj të merren masat ligjore”, tha zëdhënësi i Prokurorisë Themelore të Pejës, Shkodran Nikçi.
Banorët nuk dinë asgjë se kush i ka dëmtuar.
Nga Komuna e Istogut nuk dinë arsyet që dërguan deri në dëmtimin e rrethojave.
Arkeologu Enver Boletini, ka treguar historikun e këtij objekti kishtar.
Rrethojat janë vendosur në muajin dhjetor nga Komuna e Istogut, ku vlera e tyre kap shifrën 15 mijë euro.
