Japonia lëshoi një paralajmërim për megatërmet të martën pasi një tërmet me magnitudë 7.5 goditi bregun lindor të Aomorit, prefekturën më veriore të ishullit kryesor të Japonisë, Honshu, dhe pak në jug të ishullit verior të Hokkaidos.
Tërmeti i së martës la të plagosur lehtë 34 persona, dhe pati disa dëme në rrugë dhe ndërtesa, raporton AP.
Thuhet se ekziston një rrezik në rritje për një tërmet të mëvonshëm me magnitudë 8 ose më të madh brenda javës së ardhshme.
Zyrtarët po u bëjnë thirrje banorëve, veçanërisht përgjatë zonave bregdetare, të jenë të përgatitur mirë në mënyrë që të mund të marrin një çantë emergjence dhe të ikin sa më shpejt të jetë e mundur nëse godet një tërmet më i madh.
Zonat e mbuluara nga këshillimi shtrihen në 182 bashki nga Hokkaido në Prefekturën Chiba.
