Sveçla ka duartrokitur punën e policisë, të cilët sipas tij në çdo orë të ditës e të natës kanë qenë në krye të detyrën për sigurimin e rendit dhe luftën ndaj kontrabandës, shkruan teve1.info
“Zyrtarët policor i kanë kërkuar Prokurorisë Speciale të marrë në hetim ngjarjen. Edhe pas këmbënguljes së tyre, Prokuria nuk u përgjigj pozitivisht. Ndërkohë, prokurorja e prokurorisë themelore e liroi menjëherë njërin prej kontrabandistëve sulmues të policisë”, ka shkruar ai.
Tutje, Sveçla ka bërë një apek tek organet e drejtësisë, që të marrin më seriozisht trajtimin e rasteve të cilat policia i referon aty.
“Hezitimi për të vepruar i organeve të drejtësisë, përkthehet automatikisht në fuqizim të kriminelëve dhe rritje të vetëbesimit tek ta. Duhet të ndodhë e kundërta, organet e drejtësisë duhet të jenë të vendosura dhe krimi të hezitojë. Kriminelët nuk duhet të mendojnë se mund të sulmojnë policinë e pastaj t’ia hedhin paq. Organet e shtetit, të rendit dhe të drejtësisë kanë vetëm një qëllim: ta kthejnë rendin dhe sigurinë në normalitet, por jo sulmin ndaj policisë sonë e as thyerjen e rregullave e ligjeve”, ka shkruar Sveçla.
