Përmes një deklarate të përbashkët, Ambasada britanike në Prishtinë e Beograd u shprehën se arrestimi i një personi nuk është justifikim për bllokime të paligjshme të rrugëve as kërcënim ndaj autoriteteve kosovare.
“Së bashku me Shtetet e Bashkuara dhe BE-në, ne shprehim shqetësimin tonë të thellë për situatën aktuale në veri të Kosovës pas ndalimit të një individi të dyshuar për përfshirje në një sulm ndaj autoriteteve kosovare. Ky arrestim nuk është justifikim për bllokime të paligjshme të rrugëve, as kërcënime dhe frikësim ndaj autoriteteve kosovare dhe popullatës lokale”, thuhet në deklaratë.
Po ashtu, në deklaratë thuhet se mbështesin KFOR-in në punën për sigurimin dhe lirinë e lëvizjes, teksa kanë dënuar sulmet ndaj Policisë së Kosovës e EULEX-it.
“Ne presim që të gjitha pengesat ilegale të çmontohen dhe t’i jepet fund të gjitha kërcënimeve të dhunës dhe frikësimit. Ne vlerësojmë dhe mbështesim plotësisht Forcën e NATO-s në Kosovë (KFOR) në punën e saj për të garantuar sigurinë dhe lirinë e lëvizjes dhe kontributin e Misionit të Bashkimit Evropian për Sundimin e Ligjit (EULEX) në mbështetjen e autoriteteve kosovare për sundimin e ligjit. Ne i dënojmë fuqishëm si të papranueshme të gjitha sulmet ndaj agjencive të sigurisë kosovare dhe ndërkombëtare”, thuhet në deklaratë.
Tutje, iu është bërë thirrje palëve që të kenë përmbajtje maksimale dhe të shmangin retorikën nxitëse dhe të ndërmirren masa për de-përshkallëzimin e situatës.
“U bëjmë thirrje të gjitha palëve të ushtrojnë përmbajtje maksimale, të shmangin retorikën nxitëse dhe të marrin masa të menjëhershme për të arritur një de-përshkallëzimin e situatës. U bëjmë thirrje autoriteteve të Kosovës që të veprojnë me përmbajtje dhe që autoritetet e Serbisë të përdorin ndikimin e tyre për të arritur një deeskalim të situatës. Dialogu i ndërmjetësuar nga BE-ja është mjeti për të zgjidhur konfliktet dhe për të arritur një marrëveshje për marrëdhëniet e normalizuara”, thuhet në dkelaratë./teve1.info/
https://teve1.info/lajmet/2ambasada-amerikane-ne-prishtine-e-beograd-ata-qe-ngriten-barrikada-ti-largojne-sa-me-pare/
