Lajmin e ka bërë të ditur Drejtori i Shëndetësisë në Komunën e Prishtinës, Izet Sadiku.
“Duke parë që ditëve të fundit është rritur numri i rasteve me COVID19 që ka ndikur në rritjen e kërkesës për testim për COVID19”, ka shkruar ai.
Qendra e testimit është hapur në Qendrën Mjekësore Familjare numër 4 në lagjen “Xhemal Ibishi”.
Sadiku ka njoftuar se gjatë javës së fundit ka pasur 300 – 400 kërkesa për testim, raporton teve1.info
Orari për testim në këtë qendër është nga ora 8:00 deri në orën 15:00, nga e hëna në të premten.
Ndryshe, javëve të fundit është shtuar numri i të prekurve me Covid-19,e si pasojë po regjistrohen çdo ditë edhe vdekje./teve1.info
