Sipas gazetës “Blic”, kjo vështirësi erdhi nga refuzimi që i ka bërë Qeveria e Kosovës Serbisë për organizimin e zgjedhjeve të 3 prillit.
Pas mbledhjes të Këshillit të Sigurisë Kombëtare, Vuçiq nisi takimin edhe me udhëheqësit serbë të Kosovës, ku mori pjesë edhe një ministër i Qeverisë Kurti, Goran Rakiq, si dhe deputetë të Kuvendit të Kosovës që janë anëtarë të Listës Serbe.
“Kjo është një situatë shumë e rëndë për vendin. Do të shohim se çfarë do të ndodhë në takimin me përfaqësuesit e serbëve nga Kosova”, ka thënë Vuçiq në mbledhjen e Këshillit të Sigurisë Kombëtare, sipas burimit të gazetës “Blic”.
Në Serbi, më 3 prill do të mbahen zgjedhjet presidenciale, parlamentare dhe lokale për disa komuna, këtu përfshihet edhe Beogradi.
