Ky veprim i tij vije pas protestave dhe trazirave në këtë shtet si rezultat i gjendjes së rëndë ekonomike.
Lajmin për dorëheqjen e presidentit e ka për të ditur kryetarja e Kuvendit Mahinda Yapa Abeywardena, raporton AP shkruan teve1.info.
Megjithatë Rajapaksa do të qëndrojë deri të mërkurën për të siguruar një transferim të qetë të pushtetit, shtoi Abeywardena.
“Ai më kërkoi të informoj vendin se do të japë dorëheqjen e tij të mërkurën më 13 korrik sepse ekziston nevoja për të dorëzuar pushtetin në mënyrë paqësore,” tha Abeywardena.
Ligjvënësi i opozitës Rauff Hakeem tha se është arritur një konsensus që kryetari i Parlamentit të marrë postin e presidentit të përkohshëm dhe të punojë për një qeveri të përkohshme.
Njoftimi i dorëheqjes së presidentit erdhi disa orë pasi protestuesit hynë në rezidencën e tij të fortifikuar në Colombo.
Protestuesit hynë gjithashtu në rezidencën private të kryeministrit dhe i vunë flakën, tha zyra e Wickremesinghe. Nuk ishte menjëherë e qartë nëse ai ishte aty kur ndodhi inkursioni.
Disa orë më parë Wickremesinghe kishte njoftuar dorëheqjen e tij të afërt, mes thirrjeve që ai të jepte dorëheqjen. Por ai tha se nuk do të tërhiqet derisa të formohet një qeveri e re, duke zemëruar protestuesit që kërkuan largimin e tij të menjëhershëm.
