Ky objekt që po shihet në pamje po vazhdon të shfrytëzohet nga strukturat paralele serbe, këtu në Mitrovicë të Veriut.
Ani se kishte një vendim nga ana e Komunës së Mitrovicës së Veriut për lirimin e kësaj hapësire, një gjë e tillë është shtyrë për dy javët e ardhshme.
Kreu i kësaj komune, Erden Atiq, e pranoi shtyrjen e vendimit, por nuk dëshiroi që të flas më shumë për të.
Njësoj vepruan edhe zyrtarët tjerë komunal.
Vendimi i ri për këtë pronë komunale, duket se erdhi pas presioneve publike nga Shtetet e Bashkuara të Amerikës dhe Bashkimi Evropian.
Ndërkombëtarët, njëzëri kërkuan që të mos zbatohet ky vendim, pasi që siç u tha nga ta: mund të ojë në përshkallëzim të situatës në veri të vendit.
Por, këtij presioni njohësi i çështjeve politike, Nexhmedin Spahiu, thotë se nuk është dashur t’i nënshtrohet.
Bile, ky po tregon se cilat duhet të jenë hapat që komuna e Mitrovicës së Veriut, duhet t’i ndërmerr në të ardhmen.
Opinion më ndryshe ka gazetari Branislav Krstic.
Për të shtyrja e vendimit nga institucionet kosovare tregon se më nuk pyetet as ata e as Beogradi për atë që ndodhë në katër komunat veriore.
Për këtë çështje nuk kanë kthyer përgjigje nga ana e Qeverisë së Kosovës.
Derisa në objekt të premten puna e strukturave paralele vazhdonte funksionimin si ditëve të kaluara.
