Nga sot është bërë ndryshimi i përkohshëm i qarkullimit të mjeteve motorike në rrugën “Ilaz Kodra”, në lagjen Dardania, në Prishtinë.
Sipas vendimit të kryetarit të kryeqytetit, Përparim Rama, rruga “Ilaz Kodra” është kthyer në gjendjen e mëparshme të qarkullimit pas përfundimit të punimeve dhe ndërhyrjeve infrastrukturore në këtë zonë.
Nga sot kjo rrugë do të jetë me një kah qarkullimi, duke filluar nga kryqëzimi me rrugën “Sali Çeku” në drejtim të rrugëve “28 Nëntori” dhe “Ise Boletini”.
Ndërkohë, rrugët “28 Nëntori” dhe “Ise Boletini” vazhdojnë të funksionojnë me dy kahje qarkullimi.
Autoritetet kanë theksuar se këto ndryshime janë bërë me qëllim të përmirësimit të rrjedhës së trafikut dhe rritjes së sigurisë rrugore në këtë pjesë të kryeqytetit.
