Kryeministri në detyrë, Albin Kurti, ka pritur në takim shefin e Këshillit Evropian, Antonio Costa, i cili po qëndron për vizitë në Ballkanin Perëndimor.
Takimi është i mbyllur për media, ndërsa pak minuta më herët Costa është takuar me presidenten e Kosovës, Vjosa Osmani.
Në një konferencë të përbashkët, ai ka thënë se vendi i Kosovës është në BE dhe se, me një emisar të ri për dialogun Kosovë-Serbi, është koha për ta kapur mundësinë dhe për të ecur përpara.
