Nicole Kidman ka hyrë në “epokën e balukeve”.
Më pak se një javë pasi u konfirmua se aktorja kishte paraqitur kërkesën për divorc nga Keith Urban, pas 19 vitesh martesë, ajo u shfaq me një look krejt të ri në ‘Paris Fashion Week’.
Aktorja 58-vjeçare, e shoqëruar nga vajzat e saj Sunday Rose (17 vjeç) dhe Faith Margaret (14 vjeç), mori pjesë në sfilatën e Chanel Womenswear Spring/Summer 2026 më 6 tetor, duke debutuar flokët e gjatë biondë me baluke elegante, një ndryshim i dukshëm nga pamja e saj klasike.
Kjo ishte dalja e dytë publike e Nicole-s pas ndarjes nga Keith Urban.
Disa ditë më parë, ajo ishte parë në një ankand bamirësie në Dallas, Teksas, përkrah krijuesit të serialit të saj në Paramount+, Taylor Sheridan.
Ndërkohë, Keith Urban, 57 vjeç, ndodhet në një tur botëror muzikor. Edhe pse u pa pa unazën e martesës gjatë koncertit të tij më 2 tetor në Pensilvani, këngëtari zgjodhi të mbante në ekran foto të Nicole-s dhe vajzave të tyre gjatë performancës së këngës “Heart Like a Hometown” një gjest që tregon ende respekt dhe ndjenjë.
Sipas dokumenteve të siguruara nga E! News, Nicole kishte paraqitur kërkesën për divorc më 30 shtator, duke cituar “mosmarrëveshje të pajtueshme”.
Çifti ishte jetuar të ndarë që nga fillimi i verës, dhe ndonëse fillimisht ishte vendimi i Keith-it për t’i dhënë fund marrëdhënies, të dy kanë arritur një marrëveshje miqësore për kujdestarinë e fëmijëve.
