Kryeshefi i Agjencisë së Ushqimit dhe Veterinarisë, Bekim Hoxha është liruar pas intervistimit nga Prokuroria Speciale.
Lajmin e ka bërë të ditur avokati i Hoxhës, Artan Qerkini, i cili ka thënë se kryeshefi i AUV-it është liruar në procedurë të rregullt.
“Zotëri Hoxha është intervistuar, e ka dhënë një deklaratë. Konsiderojmë se nuk ekziston asnjë lloj dyshimi se ka kryer ndonjë vepër penale. Për vazhdimin e hetimeve do t’ju mbajmë të informuar”, ka deklaruar Qerkini.
Ndërkaq, para Hoxhës i lirë është lënë edhe ministri në detyrë i Bujqësisë, Faton Peci.
Peci dhe Hoxha janë intervistuar nga Prokuroria Speciale e Kosovës pas bastisjes që Policia e Kosovës të martën ka kryer në katër lokacione të Ministrisë së Bujqësisë.
Të njëjtit janë intervistuar në cilësinë e të dyshuarit për dhënien në shfrytëzim të Fabrikës për përpunimin e nënprodukteve shtazore./teve1.info/
Zgjerohen hetimet në Ministrinë e Bujqësisë, Prokuroria interviston edhe kryeshefin e AUVIT
