Jo vetëm Milani, edhe Suedia shpreson tek shërbeimet e Zlatan Ibrahimovic. Së fundmi është trajneri i Suedisë, Janne Anderson ai i cili thekson se 41-vjeçari mund t’i japë shumë kombëtares në dy ndeshjet kualifikuese për Europianin më datë 24 dhe 27 mars ndaj Belgjikës dhe Azerbaxhanit.
“E kam thënë se Zlatan është ënë formë dhe i shëndetshëm. Edhe pse ndoshta nuk e nis një ndeshje prej fillimit, personaliteti dhe lideri që është e ndihmon shumë të kontribuojë për skuadrën.
Mendoj se mund t’i japë edhe më shumë futbollit. te Milani edhe pse nuk luan shumë, ai e ndihmon jashtëzakonisht skuadrën”, u shpreh Anderson. Kujtojmë se Zlatan sapo është rikthyer nga një dëmtim që e la gjatë jashtë fushave të blerta, megjithatë vetë sulmuesi këmbëngul se do të rikthehet shpejt në versionin e tij më të mirë pavarësisht moshës.
