Kryeministri izraelit i është referuar votimit të djeshëm në Knesset mbi aneksimin e Bregut Perëndimor të pushtuar si një “provokim i qëllimshëm politik nga opozita për të mbjellë përçarje gjatë vizitës së zëvendëspresidentit [SHBA] JD Vance në Izrael”.
Sipas zyrës së tij, dy projektligjet që u miratuan në fazën e tyre të draftit u “sponsorizuan nga anëtarët e opozitës në Knesset”, citon The Times of Israel.
“Partia Likud dhe partitë fetare (anëtarët kryesorë të koalicionit) nuk votuan për këto projektligje, përveç një anëtari të pakënaqur të Likudit, i cili u shkarkua së fundmi nga kryesia e një komisioni të Knessetit. Pa mbështetjen e Likudit, këto projektligje nuk ka gjasa të kenë sukses”, shtoi zyra e tij.
Reagimi i tij vjen pas kritikave të ashpra nga zëvendëspresidenti i SHBA-së JD Vance për votimet paraprake të djeshme në Knesset për aneksimin e pjesëve të Bregut Perëndimor dhe publikimit të një interviste për revistën Time, në të cilën Presidenti i SHBA-së Donald Trump tha se Izraeli do të humbiste “të gjithë mbështetjen” nga SHBA-të nëse do të aneksonte territorin.
Vance më parë e quajti votimin e djeshëm një ““një marifet politik idiot”.
