Kryeministri i Kosovës, Albin Kurti është takuar të dielën me kryetarin e Partisë Demokratike të Kosovës, Bedri Hamza, në përpjekje për të gjetur një zgjidhje të përbashkët lidhur me zgjedhjen e presidentit të ri të Kosovës.
Pas takimit, Kurti – partia e të cilit ka 57 deputetë në Kuvend – bëri të ditur se diskutimet janë fokusuar në procesin e zgjedhjes së presidentit.
Ai paralajmëroi gjithashtu një takim edhe me kryetarin e Lidhjes Demokratike të Kosovës, Lumir Abdixhiku, në kuadër të përpjekjeve për të siguruar mbështetjen e nevojshme parlamentare.
Sipas Kurtit, për zgjedhjen e presidentit kërkohet vota e dy të tretave të deputetëve, çka e bën të domosdoshëm bashkëpunimin ndërpartiak. Ai e përshkroi bisedën me Hamzën si konstruktive dhe pozitive, duke theksuar se kreu i PDK-së, që përfaqëson 22 deputetë në Kuvend, ka shprehur gatishmëri për bashkëpunim në çështje me rëndësi shtetërore dhe kombëtare.
Ndërsa, pas takimit, Hamza, ka thënë se partia e tij nuk do të jenë pengesë e proceseve shtetërore, por as nuk mbështesin kandidatura që nuk e përfaqësojnë unitetin qytetar. /teve1.info/
