Forumi Ekonomik Botëror që drejton një mbledhje vjetore të elitave në Davos, Zvicër, thotë se bordi ka përkrahje unanime për të bërë një hetim të pavrur mbi akuzat për sjellje të pahijshme të themeluesit të saj, Klaus Schwab.
Deklarata nga instituti me bazë në Gjenevë dhe organizatori i ngjarjes vonë të martën erdhi pasi një raport i botuar në Wall Street Journal citonte një letër sinjalizuesi që pretendonte sjellje të pahijshme financiare dhe etike nga Schëab, 87 vjeç, dhe gruaja e tij Hilde.
Gazeta raportoi se akuzat iu dërguan në një letër anonime bordit javën e kaluar dhe përfshinin pretendime se familja Schwab i kishte përzier punët e tyre personale me burimet e Forumit.
Akuzat dolën dy ditë pasi WEF njoftoi se Schwab ishte tërhequr “me efekt të menjëhershëm” si kryetar dhe se ish-kryetari dhe CEO i Nestle, Peter Brabeck-Letmathe po merrte detyrën si kryetar i përkohshëm, raporton AP.
Schwab drejtoi forumin për dy dekada, duke pritur personalitete qeveritare, akademike, biznesi, sportive duke diskutuar politikat e qeverisë e cështje aktuale.
