“Bordi i drejtorëve të NPL “Pallati i rinisë”, ka reaguar pas arrestimit të dy zyrtarëve të dyshuar për keqpërdorim të detyrës zyrtare, gjatë një aksioni të zhvilluar të hënën nga Policia e Kosovës, në Ndërmarrjen Publike ‘Pallati i Rinisë’ në Prishtinë.
Në reagim thuhet se, bordi ka ofruar qasje të plotë në pallat, si dhe kanë hapur të gjitha të dhënat sipas kërkesave të hetuesve.
Po ashtu, theksohet se, Pallati i Rinisë do të vazhdojë të ketë qasje të hapur ndaj procesit hetimor me qëllim të lehtësimit të hetimit dhe ndriçimit të çdo aspekti të rëndësishëm.
“Bordi i drejtorëve të NPL “Pallati i rinisë” Sh.A. në përgjigje të hetimit të nisur nga njësia e krimeve ekonomike, informojmë opinionin publik se jemi duke bashkëpunuar plotësisht me autoritetet përkatëse. Ne kemi ofruar dhe do të vazhdojmë të ofrojmë qasje të plotë në pallat, si dhe kemi hapur të. Qasja jonë e plotë dhe e hapur ndaj procesit hetimor do të vazhdojë, me qëllim lehtësimin e hetimit dhe ndriçimin e çdo aspekti të rëndësishëm”, thuhet në reagim./teve1.info/