Nsi karrierën në qytetin e lindjes, Mitrovicë, aty erdhi koha dhe e mbylli. Fetah Ibrahimi, 18 vite me parë bëri debutimin me Trepçën ’89, duke lënë gjurmë që në takimin e parë se një mbrojtësi i ri, dhe luftarak po rritej në ngjyrat gjelbërta.
Ibrahimi qëndroi tri vite te 89-shi, duke qenë i padiskutueshëm në pozitën e tij, derisa me “Minatorët” mbërrijti deri në finale të Kupës së Kosovës, para se të largohej nga “Riza Lushta”.
Kërkonte trofe të tjerë, por tani pak kilometra larg ish-skuadrës së tij, dhe me fanellë tjetër.
Qëllimin e tij te Trepça e arriti në vitin e tij të dytë, ku me këtë skuadër ai fitoi dy tituj, atë të kampionit të Kosovës dhe Superkupës.
Pa dyshim në këtë sukses madhështor të “xehëtarëve”, rol kyq pati Ibrahimi, i cili me depërtimet e tij “shpërhtyese” nga krahët dhe këmbëngulsinë në mbrojtje, qe njëri nga më meritorët.
Me Trepçën u shpallë kampion edhe në Ligën e Parë të Kosovës, në vitin 2015. Vec dy skuadrave mitrovicase, mbrojtësi i krahut të djathtë, ishte pjesë e Drenicës dhe Vushtrrisë.
Pak vite para se të përshëndetej me futbollin, ai fitoi çmimin si “Futbollisti i vitit 2018” në Mitrovicë.
Fetah Ibrahimi, u pensionua në ndeshjen e fundit të edicionit 2021/22, në Ligën e Parë, para publikut vendës me fanellen e Trepçës, ku u nderua nga klubi dhe morri duartrokitjet e merituara për karrierën e tij të gjatë në futbollin kosovar.
36-vjeçari gjithmonë do të mbahet në mend si një prej futbollistëve më “fairplay” dhe fjalëpak, duke lënë fushën e blertë të bëjë “zë” për cilësitë e tij prej një mbrojtësi me karakter fitues. /Tëvë1/
