Mesfushori i Kombëtares së Kosovës, Herolind Shala, i është bashkuar Partizanit në stërvitje, raportojnë mediat në Shqipëri.
33-vjeçari, i cili ka një karrierë të gjatë, me skuadra të ndryshme në Norvegji, Turqi dhe Çeki, që nga fillimi i vitit ka qenë pa ekip, pasi prishi kontratën me skuadrën norvegjeze, Start.
Shala, i cili ka luajtur për Kosovën në 27 ndeshje, që nga tetori i vitit 2016, është në tentim për ta ngjallë karrierën, është parë duke u stërvitur te Partizani i Tiranës, derisa mediat atje raportojnë se klubi është afër marrëveshjes me të.
Ai gjatë karrierës së gjatë për më shumë se 15 vjet ka luajtur për ekipet norvegjeze, Nottoden, Odd, Start, e Valerenga, në Çeki me Slovan Liberec, e Sparta Pragën dhe në Turqi me Kasimpasha, e Erzurumspor.
