Nga zgjedhjet e 12 tetorit në katër komunat veriore, fituese doli partia Lista Serbe.
Megjithatë në komunat veriore të vendit, shqiptarët kanë arritur të sigurojnë ulëse në kuvendin komunal.
Në Mitrovicë te veriut Lëvizja Vetëvendosje do të përfaqësohet nga Aida Ferati Doli.
Kryetari aktual i Mitrovicës së veriut, Erden Atiq thotë së do të jenë aty për të parandaluar çdo tentativë të Listës Serbe për ta rikthyer gjendjen e mëparshme në këtë komunë
“Lëvizja Vetëvendosje në këto zgjedhje të fundit prapë ka dalë subjekti më i madh shqiptar nga komuniteti pakicë në kuadër të kësaj komune. Në një mënyrë ose tjetër si Lëvizje Vetëvendosje do ta vazhdojmë punën tonë, në mënyrë që të mos lejojmë hapa prapa për të tërhequr gjitha vendimet që i kemi marrë në interes të Republikës së Kosovës. Shpresojmë kolegët tjerë në kuvend të kemi një bashkëpunim shumë të mirë”, thotë ai.
Ani pse, kryetari aktual i Zveçanit nga radhët e PDK-së, Ilir Peci nuk arriti të zgjidhet kryetar i komunës, ai ka marrë votuat e duhura për asamblist.
Ai thotë se do ta ketë më të lehtë punën pasi që i ka nxjerrë të gjitha rregulloret e Komunës.
“Është e mirë ku në këtë rast e vetmja Partia Demokratike e Kosovës ka hy në kuvend, bartës i listës kam qenë unë. Tash unë do jem asamblist në komunën e Zvecanit por besoj jam shumë më i përgatitur se çdo kush tjetër që do kishte qenë në vendin tim, për arsyeje kam qenë tash e dy vite kryetar i komunës edhe i di të gjitha rregullore. E vetmja komuna e Zvecanit i ka rregulloret e nxjerra dhe të përgatitura”, deklaroi Peci.
Sipas tij, edhe kjo parti do nuk të lejojë që Lista Serbe të merr vendime të kundërligjshme
“Unë besoj se çdo ndryshim, e dimë që kryetari i komunës të drejtë ligjore për me ndërhy te ndryshimet e rregullores të komunës dhe me vendos përmes Kuvendit. Mirëpo asnjëherë nuk është Kuvendi përfundimi deri sa Ministria e Pushtetit Lokal nuk ia kthen pozitiv ose negativ…. do të jem një zë i fortë në kuvend për arsyeje se i di të gjitha rregulloret”.
Sipas të dhënave të KQZ-së, ne Leposaviq Lëvizja Vetëvendosje do te jetë pjesë e Kuvendit Komunal ndërkaq në Zubin Potok PDK .
