Si rëndom pas dështimit të seancës për konstituimin e Kuvendit iu drejtuan foltores në hollin e Kuvendit.
I pari, si zakonisht doli kryetari i Partisë Demokratike të Kosovës, Memli Krasniqi.
Krasniqi, ka thënë se propozimi i VV-së për votim të fshehtë për kryeparlamentar është i paligjshëm dhe jokushtetuese.
“Ata sot shkuan bënë shkelje të hapur Kushtetuese. Me ftua në votim të fshehtë në kohën kur ka filluar votimi tashmë dhe ka dështuar sa e sa herë është absolutisht e paligjshme dhe jo Kushtetuese. 03:10 në raport me arbitraritetin e Lëvizjes Vetëvendosje që më të rëndësishëm po e konsideron Albulena Haxhiun se sa Kuvenin e Qeverinë e Republikës së Kosovës” , u shpreh Krasniqi.
Ngjashëm mendojnë edhe në Lidhjen Demokratike të Kosovës.
“Ne sot në Kosovë flasim për një emër të vetëm, për emrin e Albulena Haxhiut. Qytetarët e këtij vendi në veçanti ata që kanë votuar me shumicë 42 % që kanë votuar Lëvizjen Vetëvendosje, duhet ta dinë që jemi duke shkuar drejtë një procesi të zgjedhjeve”, tha Hykmete Bajrami nga LDK.
Ndërkaq, Time Kadrijaj nga AAK akuzon LVV-në se për një emër po e bllokon gjithë shtetin.
“Kosova po mbahet peng për një kandidat, Aleanca ka dashtë me dhënë zgjedhje, ka propozuar dy emra të cilët vet Lëvizja Vetëvendosje nuk i ka pranuar, dhe ata janë lidhë me një emër, që është Albulena Haxhiu”, u shpreh ajo.
Kurse, Kryetari i Nismës Socialdemokrate, Fatmir Limaj tha se propozimi për votim të fshehtë të kryetarit të Kuvendit, nuk është praktikë parlamentare dhe nuk duhet të ndiqet si e tillë.
“Në asnjë variant tjetër, që bënë shkarje nga praktika parlamentare dhe që bënë shkelje të ligjit ne nuk jemi pjesëmarrës në ato procese të votimit”, tha Limaj
E me të dal në foltore gishtin kah opozita për dështim të konstituimit të kuvendit e drejtoi deputeti i LVV-së, Hekuran Murati.
“Aktvendimi i Gjykatës Kushtetuese i vitit 2014, rregullorja e punës së Kuvendit, pra neni 61 paragrafi 4 që parasheh se në seancat plenare mund të ketë edhe votim të fshehtë ne kemi propozuar si rrugëdalje këtë format të votimit në mënyrë që të mundësohet ecja tutje dhe Konstituimi i Kuvendit por e patë që ishin, PDK-LDK-AAK dhe Lista Serbe që bllokuan”, u shpreh Murati.
Akuza ndaj partive opozitare pati edhe nga partitë, Guxo dhe Alternativa.
“Sot as nuk erdhi deri te votimi për kandidat ose kandidaten e propozuar nga ne për kryetare të kuvendit, sot u bllokua procesi sot votimi nuk ka ndodhur. Sot u shpërfaq para qytetarëve para jush, që ekziston një koalicion që unë edhe gjatë fushatës zgjedhore e kom parashikua, i ashtuquajturi koalicioni PLAS, PDK, LDK , AAK dhe Lista Srpska”, tha Mimoza Kusari –Lila.
Tentativa e dhjetë për konstituimin e Kuvendit, është thirre për të shtunën më 3 maj.
