Partitë parlamentare shqiptare Lëvizja Vetëvendosje , Partia Demokratike e Kosovës , Lidhja Demokratike e Kosovës dhe Aleanca për Ardhmërinë e Kosovës kanë dorëzuar te Presidentja e Kosovës, Vjosa Osmani, propozimet për anëtarë të tyre në Komisionin Qendror të Zgjedhjeve (KQZ).
Lëvizja Vetëvendosje, i ka dorëzuar te presidentja për anëtarë në këtë institucion.
Siç mëson Tëvë1, Alban Krasniqi, Violeta Salihu dhe Njazi Isaku – janë emrat e propozuar nga kjo parti për përbërjen e re të KQZ-së.
Partia Demokratike e Kosovës ka propozuar dy emra për përfaqësues në KQZ, Rashit Qalaj dhe Ilir Gashi.
Lidhja Demokratike e Kosovës dhe Aleanca për Ardhmërinë e Kosovës kanë propozuar emrat e njëjtë, nga mandati i kaluar: Sami Hamitin dhe Muharrem Nitajn.
Sipas ligjit për zgjedhjet e përgjithshme, presidentja Osmani ka afat 5 ditë, deri në fillim të javës së ardhshme, për të miratuar këto propozime ose jo.
