Kandidati Blerim Shera ka marrë shtatë mijë e 530 vota, i ndjekur nga kandidati i “Shtëpisë së lirë”, Lulzim Vrana që mori dy mijë e 598 vota.
Në vend të tretë u rendit Ymer Marku, kandidat i Partisë Demokratike, i cili ka marrë vetëm 687 vota, raporton Top Channel.
“I kemi rezultatet e të gjitha qendrave të votimit të Bashkisë Vorë. Pjesëmarrja janë 11,096 zgjedhës të Bashkisë Vorë. Kandidat Lulzim Vrana i ‘Shtëpisë së Lirisë” ka marrë 2589 vota. Blerim Shera i Partisë Socialiste 7530 dhe Ymer Marku i Partisë Demokratike ka 687 vota. 290 votues kanë votuar për opsionin nuk zgjedh asnjë kandidat. Ky është rezultati paraprak”, deklaroi kryetari i KQZ-së, Ilirjan Celibashi.
Vora është bashkia më e vogël ku u votua këtë 6 mars.
Procesi i votimit në zgjedhjet e pjesshme vendore në 6 bashki është mbyllur zyrtarisht. Pjesëmarrja në votime sipas KQZ ka qenë 30.33%./teve1.info/
