Skuadra e kthyer në Serie A, Parma ka shprehur interesim për mesfushorin defensiv, Leon Avdullahu.
“Gazzetta dello Sport” shkruan se Parma tashmë ka kontaktuar skuadrën e Baselit në lidhje me Avdullahun, të cilin po synon ta transferoj këtë verë.
20-vjeçari luan para mbrojtjes dhe vlerësohet ndër lojtarët më të mirë të ri në Zvicër në këtë pozitë.
Ai vitin e shkuar është promovuar në ekipin e parë të Baselit dhe këtë sezon në dy ndeshjet e parë ka qenë i pazëvendësueshëm, duke u aktivizuar për 180-të minuta.
Sezonin e shkuar, Avdullahu pati 1 gol e 1 asistim në kampionatin zviceran kurse me Baselin ka kontratë deri në vitin 2028.
Si futbollist, Abdullahu është zhvilluar në akademinë e Baselit dhe ka luajtur për të gjitha gjeneratat te Zvicra, ku aktualisht është pjesë e ekipit U21 të helvetikëve.
