Hoti në “Info Nata” në Tëvë1, ka njoftuar se të mërkurën në ora 11:00 do t’a dorëzojnë kërkesën që parasheh themelimin e rregullores për procedura në trajtime të plagjiaturave.
I pyetur se a mendon se duhet të ndërmerret veprime ndaj profesorëve të cilët bëjnë plagjiaturë, ai theksoi se është Këshilli i Etikës organi vendimmarrës sa i përket këtyre dilemave.
“Atë e sheh edhe statuti i Universitetit të Prishtinës, mirëpo si organ vendimmarrëes i nxjerrrur nga Senati i Universitetit është Këshilli i Etikës i cili është një organ vendimmarrës sa i përket këtyre dilemave”, ka thënë Hoti.
Ai tutje tha se nga pozita në të cilen gjenden nuk kanë kompetenca të plota për të reaguar për plagjiatura të profesorëve të UP-së.
“Nga pozita në të cilën jemi nuk besoj që kemi kompetenca të plota për të reaguar pasi sikurse shoqëria civile ashtu edhe Këshilli i Etikës bazohet në disa Softwer të cilët e dedektojnë a është plagjiatur apo nuk është”, u shpreh Hoti.
“Ne si student krejt çka mund të bazohemi është në mekanizmat të cilët i ka siguruar vetëm Universiteti i Prishtinës i cili është Këshilli i Etikës në këtë rast”, shtoi ai.
Tutje kryetari i Parlamentit Studentor ka thënë se studentët i respektojnë dhe i besojnë të gjitha organet që dalin nga Senati i UP-së dhe se ata qëndrojnë prapa vendimeve të Këshillit të Etikës.
Ndryshe, aktivistët e ORCA-s, Dibran Hoxha dhe Rron Gjinovci, u arrestuan pas aksionit simbolik të mbajtur para Fakultetit Filozofik, për siç thanë ata, ndaj plagjiatorëve të shpallur nga Këshilli i Etikës në Universitetin e Prishtinës./teve1.info
https://teve1.info/lajmet/arrestohen-aktivistet-e-orca-s-pas-aktivitetit-simbolik-para-fakultetit-filozofik/
