TËVË 1 - Lexoje të vërtetën!
  • LAJMET
  • ZGJEDHJET LOKALE
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
  • LAJMET
  • ZGJEDHJET LOKALE
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
Reklamo

Parlamenti në Shqipëri voton për rritjen e pagave për deputetë dhe ministra

by TËVË 1
2 vjet ago
0
A A
Parlamenti në Shqipëri voton për rritjen e pagave për deputetë dhe ministra

Parlamenti në Shqipëri votoi të enjten projektligjin që rrit pagat për pozitën e presidentit, kryeministrit, ministrave, deputetëve dhe punonjësve të administratës publike.

Deputetët e majtë dhe të djathtë i bashkuan votat për pagat e tyre, dhe ligji mori 95 vota pro, dhe vetëm tre kundër.

Paketa prej tre ligjesh, që u miratua në Parlament, parashikon rritje të kompetencave të Këshillit të Ministrave, në caktimin e pagave në sektorin publik, rritje të pagave për gjyqtarët dhe prokurorët, dhe skemën e re të rritjes së pagave për administratën publike, duke respektuar atë që njihet si hierarkia e pagave, ku më të lartën e ka presidenti.

“Nivelet e pagave nuk përcaktohen sipas qejfit. Por, sipas një ekspertize të caktuar. Ka një piramidë pagash. Nuk mund të paguhet presidenti i republikës më pak se një mësues, dhe nuk mund të kemi prokurorë që paguhen më shumë se presidenti”, tha Rama, i cili bëri të qartë se nuk do të votonte pikën që parashikon rritjen e pagave për deputetët.

Në fakt, rritja e pagave për deputetët nuk ishte parashikuar në draftin e përgatitur nga Qeveria e Shqipërisë, por u bë me pjesë e tij me kërkesë të deputetëve të dy krahëve politikë, gjatë diskutimeve në Komisionin parlamentar të Ekonomisë.

Kundër rritjes së pagave për deputetët u shpreh dhe ish-kryeministri Sali Berisha.

Ai tha se është një “akt i turpshëm” dyfishimi i rrogave për zyrtarët e lartë, dhe se skema e Qeverisë nuk i rriste pagat në sektorin publik, nëse merret parasysh niveli i inflacionit.

Sa i përket rritjen së pagave në tërësi në sektorin publik, kryeministri Rama tha se me këtë vendim i hapet rrugë një procesi që prillin e ardhshëm e çon në 900 euro pagën mesatare.

“Sipas të gjitha gjasave, me këtë parashikim, ne ngjitemi në nivelin më të lartë të rajonit”, tha Rama.

Kryetari i grupit parlamentar të Partisë Demokratike, Gazment Bardhi, tha se PD-ja, do ta miratojë rritjen e pagave, edhe pse është vendim i vonuar.

“Sot është dita që ne të ngremë zërin edhe për pensionistë, që si gjithmonë mbeten të fundit. Neve na drejton një Qeveri e korruptuar, që paguan vetëm për të blerë votat”, tha Bardhi.

Ministrja e Ekonomisë dhe Financave, Delina Ibrahimaj, tha se efekti financiar i reformës së pagave do të jetë 39 miliardë lekë, dhe se prej vendimit përfitojnë 130.330 punonjës, shkruan REL.

Sipas ligjit, që kaloi në Parlament, paga e deputetëve do të dyfishohet nga 156.770 lekë që është aktualisht, në 310.250 lekë (2.820 euro), ndërsa e ministrave nga 174.760 lekë në 318.750 lekë bruto (2.897 Euro).

Kryeministrit dhe kryetarit të Parlamentit, paga u rritet në thuajse 400.000 lekë (3.636 Euro) nga 228.000 lekë, që është sot.

Paga e presidentit shkon në 425 mijë lekë (3.863 Euro) nga 257 mijë lekë që është aktualisht.

Edhe pse ligji hyn në fuqi në qershor, përfituesit do të marrin shtesën e pagës duke filluar nga muaji prill.

Ndërsa në Parlament debatohej për rritjen e pagave, jashtë ndërtesës aktivistë të Lëvizjes “Bashkë” mbajtën një protestë.

Të rinjtë protestues hodhën para false ndaj deputetëve që hynin në Parlament, dhe mbanin në duar pankarta ku shkruhej, “Mos u ngopshi” dhe “Hajdutë”.

Drejtuesit e kësaj lëvizjeje, e cilësuan “të neveritshëm” vendimin për rritjen e pagave për zyrtarët e lartë në Shqipëri, në kushtet kur pensioni minimal mbetet 8.000 lekë (72 euro) dhe ai mesatar 15.000 lekë (136 euro).

Shqipëria nuk ka të përcaktuar as minimumin jetik.

Tags: paga e ministraveParlamenti në Shqipërivotime
ShareTweet

Postime të ngjashme

Në ç’drejtim do të shkojnë marrëdhëniet Serbi-Rusi pas kritikave të BE-së?

Në ç’drejtim do të shkojnë marrëdhëniet Serbi-Rusi pas kritikave të BE-së?

Shpërthen granata e dorës në Himarë, lëndohet 85-vjeçari

Shpërthen granata e dorës në Himarë, lëndohet 85-vjeçari

Izraeli kthen trupat e 15 palestinezëve në Gazë

Izraeli kthen trupat e 15 palestinezëve në Gazë

Vritet 23-vjeçari shqiptar në parkingun e Universitetit të Peruxhias, zbulohen detaje nga ngjarja tronditëse

Vritet 23-vjeçari shqiptar në parkingun e Universitetit të Peruxhias, zbulohen detaje nga ngjarja tronditëse

Serwer: Nevojitet riformatimi i dialogut, Lajçak ka dështuar

Serwer për Specialen: Gjykatë që ka humbur rrugën

Agron Kuçi thotë se u kërcënua pas denoncimit të keqpërdorimeve zgjedhore në Junik

Agron Kuçi thotë se u kërcënua pas denoncimit të keqpërdorimeve zgjedhore në Junik

Partitë shqiptare në veri të bindur: Nuk do të lejojmë rikthimin e gjendjes së mëparshme

Partitë shqiptare në veri të bindur: Nuk do të lejojmë rikthimin e gjendjes së mëparshme

170 zyrtarë policorë dhanë dorëheqje nga janari i vitit 2024, dukuria vlerësohet shqetësuese

170 zyrtarë policorë dhanë dorëheqje nga janari i vitit 2024, dukuria vlerësohet shqetësuese

Rastet e “dallavereve” me vota , vlerësohet se mund ta vënë në pikëpyetje integritetin zgjedhor

Rastet e “dallavereve” me vota , vlerësohet se mund ta vënë në pikëpyetje integritetin zgjedhor

QKUK jep detaje për gjendjen e katër të lënduarve të stafit zgjedhor nga aksidenti në Ferizaj

QKUK jep detaje për gjendjen e katër të lënduarve të stafit zgjedhor nga aksidenti në Ferizaj

Vetëm 7 fëmijë të adoptuar këtë vit – familjet presin deri në 8 vjet

Vetëm 7 fëmijë të adoptuar këtë vit – familjet presin deri në 8 vjet

Facebook Youtube Instagram TikTok

TËVË 1

Ky portal mirëmbahet nga televizioni “Tëvë1”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Tëvë1”. Për ta shfrytëzuar materialin e këtij portali obligoheni t’i pranoni kushtet e përdorimit.
  • LAJMET
  • ZGJEDHJET LOKALE
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

Social Media

© 2022 - 2025 TËVË 1 - lexoje tëvërtetën

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • LAJMET
  • ZGJEDHJET LOKALE
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

© 2022 - 2025 TËVË 1 - lexoje tëvërtetën