Parlamenti iranian ka marrë vendim për mbylljen e Ngushticës së e Hormuzit, e cila cilësohet edhe si porta më e rëndësishme për transportin e naftës në botë.
Ismail Kawthari, anëtar i Komisionit të Sigurisë Kombëtare të Parlamentit iranian, tha se Parlamenti kishte arritur në përfundimin se Ngushtica e Hormuzit duhet të mbyllet, por vendimi përfundimtar është në duart e Këshillit Suprem të Sigurisë Kombëtare.
“Asambleja ka arritur në përfundimin se Ngushtica e Hormuzit duhet të mbyllet. Megjithatë, vendimi përfundimtar është në duart e Këshillit Suprem të Sigurisë Kombëtare”, tha Kawthari , raporton Anadoly Agency.
Ai deklaroi gjithashtu se çështja e tërheqjes nga Traktati për Mospërhapjen e Armëve Bërthamore (NPT) po diskutohej dhe shqyrtohej gjithashtu, por se autoritetet përkatëse po zhvillonin negociata për të marrë një vendim për këtë çështje.
Ngushtica e Hormuzit është një rrugë lidhëse midis Gjirit Persik dhe Detit të Omanit. Ngushtica e Hormuzit ka rëndësi të madhe strategjike dhe ekonomike, pasi nafta e mbledhur nga porte të ndryshme në Gjirin Persik transportohet në botë nëpërmjet kësaj rruge ujore nga cisterna.
Ngushtica e Hormuzit cilësohet si porta më e rëndësishme për transportin e naftës në botë.
