Mesfushori Leandro Paredes do të rikthehet te skuadra e Paris Saint-Germainit në fund të këtij sezoni, përcjell “Tuttosport” të hënën.
Paredes u huazua te Juventusi para fillimit të këtij sezoni, por ekipi italian ka vendosur që mos të shpenzojë 15 milionë euro për blerjen e kartonit të tij.
29-vjeçari nuk ka bindur me paraqitjet e tij te Juventusi dhe nuk konsiderohet titullar nga trajneri Massimiliano Allegri.
Në 18 ndeshje të luajtura deri më tani, Paredes ka vetëm një asistim te Juventusi, ndërsa me Parisin ka kontratë deri në vitin 2024. Ai karrierë në Evropë ka bërë edhe te Zeniti, Roma, Empoli e Chievo.
