Instituti Hidrometeorologjik i Kosovës ka publikuar parashikimin e motit për vikendin e datave 3 dhe 4 janar 2026.
Të shtunën pritet të mbajë mot kryesisht i vranët, me riga shiu në disa zona. Në viset malore, vranësirat mund të sjellin fjolla të dobëta bore. Temperaturat minimale do të lëvizin nga 1 deri në 3 gradë Celsius, ndërsa ato maksimale pritet të jenë ndërmjet 4 dhe 6 gradë Celsius. Era do të fryjë e lehtë deri mesatare nga veriperëndimi.
Të dielën moti do të jetë kryesisht i vranët, me riga shiu në pjesën më të madhe të vendit, ndërsa në zonat e larta malore parashihet borë e dobët. Temperaturat minimale do të zbresin nga -1 deri në 1 gradë Celsius, ndërsa maksimalet e ditës do të lëvizin nga 4 deri në 7 gradë Celsius. Era do të fryjë kryesisht nga jugperëndimi, e lehtë deri mesatare./teve1.info/
