Dogana dhe Policia e Kosovës kanë parandaluar kontrabadmin e mallrave të ndryshme ushqimore në vlerë 2000 euro.
Sipas komunikatës një automjet është identifikuar duke hyrë nga Serbia në Kosovë dhe është arritur të ndalet ku është gjetur malli.
“Në brezin kufitar që lidh fsh.Breznice-SRB me fsh. Karaqeve e poshtme -RKS nga njësitet e lartcekura është identifikuar automjeti transportues me targa vendore i cili vinte ilegalisht nga Serbia. Pas përcjelljes nga njësitet e lartcekur është arritur të ndalet, gjatë kontrollit tē automjeti i cili drejtohej nga shtetas kosovar, është vërejtur se kishte të ngarkuar mallra të ndryshme ushqimore me vlerë rreth 2000 euro. Mallrat dhe automjetit janë sekuestruar dhe dërguar në terminalin doganorë Dheu i Bardhë. Rasti është duke u trajtuar nga njësitet relevante të Doganës së Kosovës”, thuhet në komunikatë.
