Policia e Kosovës ka njoftuar se në tri raste të ndara policët kufitarë kanë parandaluar kontrabandën me mallra, me ç’rast është konfiskuar sasi e duhanit pa banderolë si dhe sasi e mishit.
Sipas njoftimit, të martën në fshatin Korminjan, është ndaluar automjeti ku është vërejtur se i njëjti kishte duhan pa banderola në qese të zeza najloni të llojeve të ndryshme me peshë të përgjithshme gjithsej 275 kg.
“Në lidhje me rastin, iniciohet rasti ‘kontrabandë me mallra’, ku malli dhe vetura konfiskohen dhe i dorëzohen Doganës së Kosovës”, thuhet në njoftim.
Ndërkohë, të mërkurën në dy rastet tjera, në fshatin Korminjan janë ndaluar dy automjete, njëri me targa të Serisë dhe tjetri automjet pa targa, ku gjatë kontrollit të ngarkuar në njërin prej tyre është hasur mish dhe produkte të tjera si mish i bluar për skarë 700 kg dhe virshlle 20 kg, kurse në automjetin tjetër mish i bluar për skarë 200 kg, birra Tuborg 0.5l 200 shishe.
“Për rastin është njoftuar inspektori i AUV-it, kurse automjetet dhe malli dorëzohen në Doganën e Kosovës tek Dheu i Bardhë. Malli (mishi) po transportohej në kushte të rrezikshme sanitare në këtë kohë të nxehtë duke rrezikuar edhe shëndetin e qytetarëve.
