Gjatë ditës së djeshme gjatë një kontrolli rutinë të terrenit në zonën kufitare mbi fshatin Korminjan i Epërm, Komuna e Ranillugut, është identifikuar një automjet me targa serbe, që kishte hyrë ilegalisht në territorin e Kosovës përmes rrugëve malore nga Serbia.
Policia e Kosovës gjatë kontrollit të automjetit, i drejtuar nga një kosovar, B. S., janë gjetur 47 arka birre të markës Zaječarsko, me nga 20 copë secila, gjithsej 940 njësi, të prodhimit serb.
Sipas njoftimit për media, është bërë e ditur se mallrat nuk kishin dokumente që vërtetojnë prejardhjen apo destinacionin e tyre.
“Mallrat e sekuestruara janë transportuar në terminalin doganor për procedura të mëtejshme në përputhje me ligjin.
Rasti është duke u trajtuar nga Njësia e Stacionit Policor për Mbikëqyrje të Kufirit – Muçiverc, në kuadër të DRK Lindje – Kaçanik”, thuhet në njoftimin e Policisë së Kosovës.
